1- بعد ما الكفيل يكلمك في التليفون انك اتقبلت ونجحت في المقابله يروح هو باعت جواب الوكاله علي مكتب السفريات الي بيتعامل معاه في مصر العقد (القنصليه لا تتعامل مع افراد انما مع مكاتب التسفير المعتمده لديها فقط)

2-تروح المكتب وتمضي العقد وتاخده معاك عشان تروح التامينات تغير البطاقه بالمهنه اللي في العقد عشان لازم المهنه تطابق مع الجواز

3-تروح التامينات في شارع الالفي وتروح تامينات العاملين بالخارج وتدفع 80 دولار وتكون جايب معاك ورق بطاقه مستعجل من العباسيه ب75 جنيه(بتطلع بعد 3 ايام) عشان يتختم بس في مشكله هنا لو انت في شركه خاصه ومتأمن عليك لازم تطلع من التامينات بتاعتها ولو في الحكومه يبقي لازم اجازه.

4-بعد كده تاخد ورق البطاقه المختوم وتروح العباسيه وبعد3 ايام تاخد البطاقه الجديده

5-تروح للجوازات اللي انت تبعها وتاخد صورتين خلفيه بيضاء عشان تعمل باسبور اذا كانت مش معاك باسبور

6-في اليومين دول تروح الجامعه توثق الشهاده بتاعتك من امين عام الجامعه ولو انت طب او صيدله لازم الشهاده الكارتون غير كده ممكن المؤقته

7-بعد الجامعه تروح اي مكتب تصديق للخارجيه وتدفع 11 جنيه وتاخد الشهاده

8-غالبا هتلاقي المهنه لاتناسب المؤهل الدراسي بتاعك يبقي لازم شهاده خبره ودي تشوفلك اي حد معاه سجل تجاري وتاخده الشهر العقاري وتكون مظبط شهاده خبره بنفس المسمي الوظيفي ولازم يكون السجل متجدد وبعد كده تروح الخارجيه توثقها زي الشهاده. وفي خطوه كمان مكتب السفريات بيعملها في الحاله دي انه يجيب جواب من الكفيل انه عارف ان مؤهلك غير المهنه بس هو عايزك انت بالذات هما معاهم صيغه معروفه.

9-بعض المهن تحناج شهاده قياس مهاره ودي تروح مكتب العمل تعملها وغالبا المهن دي زي فني اي حاجه او عامل اي حاجه تحتاج مهاره زي ميكانيكي ومبيض….. الخ

10-مكتب السفريات هايعملك تسجيل علي النت بتاع شركه التاشيرات الالكترونيه الجديده ويديلك الرقم

11-تاخد الرقم وتروح بيها معامل وزاره الصحه بشارع الشيخ ريحان (تنزل مخطه مترو السادات وتسأل هناك)عشان تحليل الفيروس وتدفع 120 جنيه وصورتين خلفيه بيضاء

12-بعد مايخدوا العينه هايدولك كارت تستلم بيه بعد 3 ايام وطبعا من غير ما اقول لازم تكون هناك الساعه 8 او 8.30 عشان تكون علي الساعه 10 او 11 مخلص بعد كده تطلع تتمشي من الوزاره الي شركه جامكا GAMCA في 6 شارعه عاءشه التيموريه بجاردن سيتي امام قسم قصر النيل هاتديهم الباسبور علي الباب وتقعد 10 دقايق وبعدين هايدولك جواب تحويل لمستشفي من خمس مستشفيات تبعهم

13-تاخد الجواب وتروح المستشفي اللي كاتبينها في الجواب وتروح المستشفي وتدفع 180 جنيه ويعملولك شويه تحاليل وكشف نظر وباطنه ويقلعوك البنطلون اي والله مش عارف ده كشف ايه وتاني يوم تيجي تاخد النتيجه وممكن تخليها مع نتيجه الفيروس عشان يبقي مشوار واحد

14- الفيش تروح بصورتين خلفيه بيضاء تعمل فيش وتكتب فيه الغرض السفر للسعوديه

15-تجيب زكيبه تانيه غير الاولانيه اللي اتملت وتعبي بقيت الورق وتطلع علي مكتب السفريات وتديله 3صور خلفيه بيضاء

16-المكتب يقدم الورق للقنصليه يوم الاحد او التلات والتأشيره تاخدلها 10 ايام وبعد يومين من التقديم لو ما اترفضش الورق يبقي كده تمام.

اما بخصوص اجراءات مابعد التأشيرة فهي :

تصريح العمل : وده بيصدر من تصاريح العمل ودي تابعة لوزارة الداخلية ولو هتطلعه لاول مرة هتحتاج 3 صور خلفية بيضاء صورة الطاقة صورة الجواز صفحة 1 اللي فيها البيانات والصفحة اللي فيها التأشيرة المؤهلات العليا بيدفع حوالي 126 جنيه والمؤهلات المتوسطة بيدفع 87 جنيه والمصاريف دي عن كل سنة انت شغالها بره مصر وتستلمه بعد 3 ايام وتصريح العمل بيتجدد كل ما تنزل اجازة وده كان بالنسبة لتصريح العمل

تصريح السفر : وده للناس اللي في سن التجنيد.

تذاكر الطيران : فيه خطوط طيران كتير ليها رحلات للسعودية فيه مصر للطيران والخطوط السعودية وطيران ناس وطيران سما وطبعا انت هتبقي مسافر شغل فبتبقي ذهاب فقط .
طيران ناس بيبقي من الاسكندرية وبيروح جدة والرياض بس
طيران سما رحلاته من مطار النزهة بالاسكندرية وعلي ما اذكر من مطار اسيوط كمان وبيروح جدة والرياض والدمام

الاوراق المطلوبة لاستخراج اذن السفر مش ثابتة ولكن بتختلف طبقا لموقفك التجنيدي بمعني ان اللي معاه اعفاء مؤقت مثلا بيحتاج :
1 – اصل شهادة الخدمة العسكرية صوره منها .
2 – اصل البطاقة الشخصيه صوره منها .
3 – اصل جواز السفر ( ومعاه طبعا تأشيرة ) صوره منها .
4 – ونموذج طلب إذن سفر وبونات بحث وبونات تصوير كل ده بحوالي 16.5جنيه .

الشخص اللي ادي الخدمة العسكرية بيزيد عن الاوراق السابقة
تذاكر السفر – تصريح العمل وصورة منه – وكمان ورقة من الجيش بتفيد انه مؤدي الخدمة ودي بتبقي مع اي شخص مخلص جيش – وبيدفع حوالي 12 جنيه بس في ناس كتير بتسال عن الإجراءات المتبعة لاستخراج تأشيرة زيارة عائليه لدخول السعودية عشان كده أنا عملت الموضوع ده يمكن إن يفيد ناس كتير

أولا لابد من وجود دعوه من شخص مقيم في السعودية لأي شخص من عائلته في مصر بس على فكره مش أي حد في عائلته يقدر يبعت دعوه , لازم يكون من الدرجة الأولى يعنى ( أب , أم , أخ , أخت , زوجه , أولاده , حماه أو حماته ) يعنى في الحدود دي , المهم يبعت الدعوة دي من وزارة الخارجية .

بالنسبة هنا في مصر الأوراق المطلوبة عشان تنفذ أمر الخارجية المرسل من السعودية كالأتي :

1- جواز سفر صالح على الأقل ستة اشهر
2- أوراق تثبت صلة القرابة من راسل الدعوة مثلا لو واحد باعت دعوه لزوجته , هي لازم تجيب صورة من قسيمة الزواج وهكذا .
3- صورتين خلفيه بيضاء شخصيه لحامل جواز السفر
4- في حالة وجود أطفال مسافرين يجب إحضار شهادة تفيد تطعيم الأطفال بخاتم الجمهورية .
5- في حالة إرسال دعوه من أخ إلى أخته لم تبلغ 45 سنه لابد من وجود موافقة من زوجوها على سفرها موثقه من الشهر العقاري وان لم تكن متزوجة لابد من وجود إقرار من ولى أمرها أنها ليست متزوجة

ملحوظة : صدر قرار منذ شهر فبراير 2008 بأن القنصلية السعودية لا تتعامل مع الجمهور والبديل هو بعض المكاتب التي تقوم بدور القنصليه

اعادة نشر بواسطة محاماة نت .