بواسطة sunrise20090
صباح الخير اولا انا اسفة جدا لازعاج حضرتك ثانيا كان ليا بس استشارة سريعة انا زميلة لحضرتك بس مش بمارس المهنة للأسف فمحتاجة راى حد متمرس زى حضرتك هو الموضوع خاص بالجزاء التاديبى هى بنت وبتشتغل لسه حديثة فى البنك الاهلى بقالها 6 شهور وجرى العرف بين الزمايل داخل البنك انهم يبعتوا لبعض ايميلات سخرية من الاحداث السياسية او حاجات تضحك وكده مستخدمين الايميل الداخلي للشبكة الداخلية للبنك فهى البنت اخدت صورة من جريدة الفجر كانت لصورة العشاء الاخير بتاعت السيد المسيح بس متعدلة وبدل المسيح صورة حازم صلاح ابو اسماعيل ودى صورة منشورة بجريدة الفجر يعنى مش هى الاى عملاها وراحت بعتتها لزمايلها الاى معاها بالادارة الصورة وصلت لشخص متعرفوش بادارة تانية ومتعرفش وصلتلوه ازاى وصادف انه مسيحى معروف بتعصبه راح بعتلها ايميل يقولها ان ده غلط وميصحش فردت عليه انها ملهاش ذنب وصورة منشورة ومش مقصود بيها الاساءة وخلص الموضوع على كده الكلام من شهر فوجئت بعد شهر بالشؤن القانونية طالبينها بالتليفون فراحت لهم بنفس التوقيت لوحدها ومن غير ما تقوم الادارة القانونية باخطار الادارة الاى تابعة ليها البنت وكالعادة المحقق سلخها وقالتلها مكنتش تقصد حاجة وكده ومضاها على المحضر دلوقتى بقى تفتكر ايه هى التهم واقصى جزاء عليها؟ وهل لو وقعت عليها جزاء هياثر على اى حاجة فى ملفها الوظيفى من ترقيات او كده؟ اتمنى ترد على رسالتى

معلش نسيت اقول ان الدولة مصر والبنك بنك عام مش خاص
بواسطة dr.law
كل موظف بنك بالإضافة الى عقده يوقع على كود أخلاقيات المهنة ، الايثيك كود . بشكل عام البريد الالكتروني للعمل لا يستخدم لمثل هذه الامور ، خاصة وأن الامر وصل لازدراء أديان الآخرين وجرح مشاعرهم ، باعتقادي أن الظروف التي تمر بها مصر ستجعل القائمين على التحقيق ينحون منحى تأديبي لا يرقى أإلى الفصل . والله أعلم