سؤال حول شراء شقة 140 متر و هي ع الطبيعة 120 متر

السؤال

السلام عليكم الاستاذ الفاضل لدي سؤال واريد ماذا افعل قانوني قد اشتريت شقة علي اساس140 متر ف عمارة كانت تحت الانشاء وبعد فترة من التشييد فوجئت انها120 متر وليس140متر بالرغم من وجود شقق اسفل وفوق الشقة نفس النموذج بيعت ع اساس120 متر وقد تحدثب مع المالك عن الفرق افاد انت اشتريت كده وحتي الان لم يتم عمل محضر استلام كما ذكر بالعقد ولم اوقع ع اي شئ بالاستلام بالرغم من تسديد المبلغ كاملا ولم يتم ادخال الكهربا للعمارة حتي الان بالرغم من ميعاد التسليم عدا حوالي سنتين تقريبا ارجو الافادة من سيادتكم من الناحية القانونية وماذا افعل ولكم الشكر

الإجابة
بواسطة طارق فرغل
الاستاذ الفاضل

اود ان اوضح لسيادتكم ان اغلب عقود البيع بيتم وضع جملة المساحه المباعه وليس صافي المساحه

– الفرق بين صافي المساحه والمساحه الاجماليه ؟

/ ان صافي المساحه هي المساحه الفعليه داخل الشقه (ودي اللي بتتحسب لما تشتري سيراميك للشقه كلها ).

/اما المساحه الاجماليه يدخل من ضمنها المنافع والمناور والاسانسير والاعمدة الخرسانيه باعتبار ان حضرتك ليك حصه فيها وهي منافع مشتركه ، وتقريبا بتتكون من 10% الي 20 % من اجمالي المساحه المباعه ، يعني لو حضرتك اشتريت مساحه اجماليه قدرها 140 متر يبقي صافي المساحه بتاعة الشقه من 126 متر الي 112 متر .

وكمان هناك فرق في السعر في الصافي اغلي بكتير من سعر المساحه الاجماليه .

ولو عاوز تعرف المساحه الاجماليه اطلع سطح العقار وقم بقياسه والمنور والاسانسير

ونرجع لاجابة سؤال حضرتك

س : هل العقد منصوص فيه ان حضرتك اشتريت 140 متر صافي؟ ولا اشتريت 140 اجمالي تحت العجز والزياده؟

وهناك فرق بين الحالين فالاولي يعتبر هناك اخلال من البائع يستوجب تعويض المتشري ومن حق المشتري فسخ العقد واسترداد كامل الثمن ، اما في الحالة الثانيه لايجوز لك ذلك لانك تعلم ان المساحه 140 تحت العجز والزياده وكما هو معلوم للكافة ان المساحه بيدخل من ضمنها المناور والاسانسير والاعمدة الخرسانيه.

ولكن من الممكن الوصول الي اتفاق مع المالك لانزال سعر الوحده المبيعه

ومن الممكن مضايقة المالك بالزامه بسداد غرامة التاخير اذا نص عليها العقد

واخيرا وليس اخرا فالعبرة في موضوع سيادتك هو ما نصت عليه بنود عقد البيع ، ومن الممكن عمل اسكان لعقد البيع ورفعه علي الموقع لابداء الرأي القانوني الصحيح

وشكرا