هل يجوز اسقاط حضانة الأم في القانون الكويتي ؟

السؤال :

أنا عندي أستشاره وأطلب من الله أنكم تقدرون تفيدوني ..أنا كنت متزوج من 11 سنه وحدث طلاق بينا من 7 سنوات تقريبا والطلاق تم عن طريق المحكمه يعني القاضي أهو إلي طلقها مو أنا لمجرد أن طليقتي تبلت علي والله ربي شاهد أني عاملتها أحسن معامله لكن أمها كانت إهي سبب كل شي المهم أن عندي منها ولد وهالولد بحضانتها رغم أنها تزوجت بعد حصولها علي الطلاق مباشره ووقتها .

كنت أبي أرفع قضية أسقاط حضانه لكن أكتشفت أن القضيه مامنها فايدة لأن أم طليقتي راح تاخذ الحضانه لأن القانون معها ففظلت أني أسكت عشان لاتزيد المشاكل وخصوصا أني قاعد أشوف الذل والأهانه في كل مرة أروح أشوف ولدي فيها ..المشكله ولدي صار عمره 10 سنين ومستواه الدراسي تعبان وودي يعيش معاي وحاولت أني أتفاهم معاهم ودي وترجيتهم أنهم يخلونه عندي وقت الدراسه لكن للأسف يقولون لي أحنا مانبي غير أننا نحرق قلبك عليه وهالشي قاهرني وحاسس بالعجز وقلة الحيله لأن أحساسهم بأن القانون مايعطيني الحق بالحضانه .

هالشي ظلم وماني عارف شسوي..؟ ياريت تساعدوني بأي شي كل إلي أبيه أن ولدي يعيش معاي جزء من طفولته حتي يجرب عطفي وحناني عليه عشان يرحمني بكبر سني ! مع العلم إني تزوجت من 3 سنين وحاليا عندي طفلين لكن قلبي مقهور علي ولدي لأنه عايش مثل اليتيم محروم من الأب والأم ؟؟ ساعدوني

الاجابة :

للاسف ما تقدر تسوي شي واسقاط الحضانه صعب جدا ، مالك الا تنتظر لما يصير عمره 14 وراح يخيرونه فاذا اختارك – والا فوض امرك لله .

والله اعلم

اعادة نشر بواسطة محاماة نت .