الصناديق العقارية في دولة الكويت

السؤال :

السلام عليكم اللي يحل مشكلتي عسى الله يوفقه ويرحم والدينه القصة كما يلي :

انا اشتريت 1000 وحدة بصندوق عقاري لشركة العقيلة في الكويت ، المهم بعد فترة طلعت اخبار ان صارت اختلاسات وبوقات داخل الشركة وصارت عليهم قضايا ومادري شنو ، المهم رحتلهم وقالولي انهم الغوا نشاط الصندوق ويبيلهم فترة 6 اشهر على ما يرجعون لنا فلوسنا ، رحتلهم عقب 6 اشهر قالوا القضايا تطول ويمكن تطول اكثر من سنتين وان البنك المركزي موراضي ان نوزع الفلوس ومن هالحجي .

الحين طاف فوق السنتين وماشفنا شي ، الحين شنو يعني ننطر بس ؟ ولا من حقنا نشتكي ؟ نبي نعرف شنو العمل ؟ هل القانون ممكن ينصف اللي مثل حالتنا ؟ نقدر نرجع حقنا ؟ اللي عنده اي معلومة اكيدة خل يقول لنا ومشكورين .

الاجابة :

ما في شئ ماله حل والمحاكم مفتوحة للجميع ، لكن اسمحلي اعطيك هذه المعلومة … الصندوق اتوقع رأس ماله اقل شئ 15 مليون دينار . والاجراءات تحتاج لجهد كبير ومكاتبات وشكاوى وقضايا ، انت عندك وحدات قيمتها اليوم يمكن 300 او 400 دينار فهل تقوم بكل هذه الاجراءات من اجل مساهمين الصندوق الذين تساوي حصصهم اليوم 7 ملايين دينار مثلا ؟؟

الله يعينك ويعوضك ومالك الا الانتظار والصبر .

اعادة نشر بواسطة محاماة نت .